كود – وكالات//

ناتشر فيديو في شيوسيل ميديا وتداولاتو مواقع إعلامية عالمية ، منها موقع New York Post، ديال قصة صادمة وقعات فالهند، فين واحد الرجل حاول ياخد فلوس من بنكة تقريبا 20 ألف روبية (حوالي 1500 دولار) من الحساب ديال ختو لي ماتت.

وحسب نفس هاد لمصدر ، لي خدامين فلبنكة طلبو منو يجيب مولات لحساب شخصياً باش يتم السحب، وبرغم من انو أكد ليهم أنها ماتت، إلا أن لمساطر لمطلوبة (بحال شهادة الوفاة والوثائق القانونية) ما كانتش عندو أو ما قدرش يوفرها.

وبسبب هاد التعقيدات، راجل حسب ما نقلاتو New York Post – وصل لدرجة أنه مشا جبد ختو من لقبر وجابها للبنك كـ”دليل” على موتها ، فحادثة خلفات صدمة كبيرة وسط الموظفين والزبناء، وانتشارات فالهند .