گود سبور//

صدمة قوية لمنتخب البرازيل خصم المنتخب الوطني المغربي فكأس العالم 2026، حيث المدافع ديالو ادير ميليتاو لاعب ريال مدريد الإسباني، ما غاديش يشارك فالمونديال حسب جريدة “ماركا” الإسبانية.

ووضحت “ماركا” أن إيدر ميليتاو غادي يدير عملية جراحية هذا السيمانا ففنلندا بسبب إصابة فالركبة ديال رجليه ليسريا، حسب ما كشفت عليه الفحوصات الطبية.

الجريدة الإسبانية قالت إن المدافع البرازيلي غادي يغيب على التيرانات بعد العملية لمدة 5 شهور، وهاذ الشي كايعني أنه ما غاديش يشارك مع البرازيل فكاأس العالم وهاد راها صدمة له.

للإشارة فالبرازيل طاحو فالگروب الثالث فمونديال 2026، وأول ماتشات من دور المجموعات غادي يكون عندهم ضد المنتخب المغربي فنيوجيرسي الميريكانية يوم 13 يونيو 2026، وغياب ميليتاو يعتبر خسارة كبيرة للبرازيل.