كود – كازا //

المغنية الشابة ريم فكري قلقات الجمهور ديالها بعد التدوينة الأخيرة التي كشفات فيها حقيقة الحمل روجات فليام لي فاتت، مني أكدات أنها مكانتش حاملة، وأن البلان غير حملة ترويجية لألبومها الجديد.

ريم فكري كانت وهمات المتابعين ديالها بأنها كتعيش تجربة حمل حقيقية، مني بانت بكرش كبيرة وسط الكليب الشي لي خلا الجمهور يتفاجأ ويعبر على حماسو للأغاني لي غا تخرج.

ومن بعد ما نشرات ألبومها اعترافات بأنها وهمات الجمهور بشكل متعمد، الشي لي خلاها تعرض لانتقدات قوية حيت استغلات موضوع بحال الحمل باش دير ’’البوز‘‘.

ريم فكري دافعات على راسها مني قالت: ديما كانسمعو الفنانين كيقولو: هذا الأغنية هي بنتي، هذا الألبوم هو ولدي، حتى أنا طبّقت هذا الكلام حرفيًا…حيت كنت حاملا بـألبوم PURA، المشروع، لي كيلخص آخر 3 سنوات من سكاتي”.