كود الرباط//

توقعات نسبة النمو لهاد العام، دارت صدام جديد بين مؤسسات الدولة، بحيث خرج بنك المغرب أمس الثلاثاء، وتوقع باش يوصل نمو الاقتصاد الوطني 2,8 في المائة سنة 2024 قبل أن يتسارع إلى 4,5 في المائة سنة 2025.

عكس الحكومة للي كتقول بلي توقعات نسبة النمو هاد العام غاتكون 3,4 في المائة، فإن بنك المغرب كيقول العكس ومثيقش توقع الحكومة، وقال نسبة النمو مغاديش تقوت 2,8 في المائة.

بنك المغرب حط توقع قريب من توقع المندوبية السامية للتخطيط لي قالت بلي نسبة النمو غاتوصل لـ2,9 في المائة.

تناقض الأرقام بين مؤسسات ديال الدولة كذلك وصل للعجز في الميزانية، بنك المغرب يقول غايوصل 4.4 فالمائة هذه السنة والحكومة تقول 4 فالمائة.