الرئيسية > آش واقع > صحيفة “اصبانيول” قالت أن رئيس حكومة اسبانيا بغا يقابل محمد السادس ..والقصر قاليه بروگرامو عامر.. ووكالة انباء اسبانيا كتكذب
01/12/2020 12:30 آش واقع

صحيفة “اصبانيول” قالت أن رئيس حكومة اسبانيا بغا يقابل محمد السادس ..والقصر قاليه بروگرامو عامر.. ووكالة انباء اسبانيا كتكذب

صحيفة “اصبانيول” قالت أن رئيس حكومة اسبانيا بغا يقابل محمد السادس ..والقصر قاليه بروگرامو عامر.. ووكالة انباء اسبانيا كتكذب

كريم الشركي-كود///

قصر مونكلوا لي فيه رئاسة الحكومة فمدريد، قال أنه كيحاول يرتب لقاء لبيدرو سانشيث رئيس الحكومة الاسبانية، مع محمد السادس ملك المغرب، وذلك بعد لقاءهم سنة 2018 بعد خمسة اشهر من تنصيب سانشيث.

وقالت وسائل اعلام اسبانبة، أن البروكرام ديال ملك المغرب عامر، رغم ان سانشيث كان باغي يتلاقى الملك باش يكملو ف “الاجتماعات العالية المستوى” لي كانوا تافقو عليها ف2018 أنها تكون كل سنتين بين البلدين، وطبعا هاد الاجتماعات غاتكون خاصة بالقضايا الكبرى، بينها الهجرة والارهاب.

وزادت المصادر أن سعد الدين العثماني علن في تويت، أنه تاصل مع نظيره الاسباني وتافقو على موعد هاد الاجتماعات، ولكن الملك حسب ذات المصادر الاسبانية، ماعندوش مع حكومة العدالة والتنمية، حقاش ماعاجباهش خدمتها.

في ذات السياق خرجات وكالة الانباء الاسبانية “ايفي”، بتكذيب لهاد الخبر، خصوصا انه كاين لي ربط رفض الملك اللقاء بسباب دعم نائب رئيس الحكومة بابلو اغليسياس للبوليساريو.

وقالت ايفي نقلا عن المتحدثة باسم الحكومة، أنه من السابق لآوانه القول أن الملك ماغايتلاقاش بيدرو سانشيث، وأنه لا وجود لهاد لكلام ديال المغرب غضبان من دعم بابلو اغليسياس للبوليساريو، وانه من هنا ل17 دجنبر تاريخ انعقاد الاجتماع الرفيع المستوى، عاد يبان واش الملك ايتلاقى سانشيث او لا.

موضوعات أخرى

27/01/2021 14:30

عكس “الكاليبر الكبير” اللي عينات اسرائيل فمكتبها فالرباط.. وزارة الخارجية قدمات مرشح ضعيف لرئاسة مكتب الاتصال ف تل أبيب ومصدر لـ”كَود”: هذا واحد من المتملقين ومحسوب على بوريطة وماشي ديالو هاد المنصب الاستراتيجي 

27/01/2021 13:50

مندوبية السجون على دخول بوهنوش أصغر معتقلي حراك الريف فإضراب على الماكلة: لخبار لي راجت كذوب وكياخد الماكلة ديالو بشكل عادي

27/01/2021 13:30

الفاكسان ف افريقيا.. 25 شخص داروه وعملية التلقيح مزال مبداتش بشكل رسمي والمغرب دار ضربة معلم مع استرازينيكا والتفاوض مع الصين باقي مستمر