الرئيسية > آش واقع > صحيفة اسبانية. المئات دلمغاربة كيعيشو أقل من الكلاب فشوارع اسبانيا بسباب كورونا
26/06/2020 14:00 آش واقع

صحيفة اسبانية. المئات دلمغاربة كيعيشو أقل من الكلاب فشوارع اسبانيا بسباب كورونا

صحيفة اسبانية. المئات دلمغاربة كيعيشو أقل من الكلاب فشوارع اسبانيا بسباب كورونا

كريم الشركي-كود///

المئات ديال المغاربة كيعيشو عيشة حاطة من الكرامة فشوارع اسبانيا، وأحدهم قال فروبورطاج لموقع “ال كونفيدينسيال”، أنهم كيعيشو عيشة اقل من الكلاب المتشردة.

الموقع أشار الى أن المغاربة اللي لقاو راسهوم واحلين في اسبانيا بعدما فقدو عملهوم وبغاو يرجعو للمغرب، لكن بلادهوم سدات بيبانها، كيعيشو وينعسو فالشوارع، حيث صرح أحدهم لذات المنبر، أنه كيمشي ياخذ المساعدات الغذائية مع المتشردين، وكينعس فالشارع قبالة القنصلية المغربية فالخزيرات، وملي كيبغي يدوش كيمشي للنافورة يغسل راسو فيها.


هاد المغرب كان خدام فبلباو فواحد الكشك، ومع كورونا فقد الخدمة ديالو، هادشي لي ماخلاش عندو حل من غير العودة للمغرب، لكن القنصلية عتابرات انه ماشي من العالقين، بما أنه مقيم ماشي توريست.

حالة هاد المغرب كتكرر مع مئات المغاربة الاخرين، من غير ماننساو 7200 عاملة فحقول ويلبا لي راها حاصلة دبصح.

موضوعات أخرى