وكالات//
نشر الفاتيكان أول صورة للبابا فرانسيس من بعد ما مر بأزمة صحية، وبان فالصورة وهو جالس على الكرسي المتحرك، لابس رداء أبيض وشال بنفسجي.
البابا، لي عندو 88 عام، كيكمل العلاج فسبيطار جيميلي فالعاصمة الإيطالية روما من 14 فبراير الماضي.
بحسب التقارير، الصورة خداها بعد قداس دارو داخل الكنيسة لي فالجناح ديالو فالمستشفى، وكيواجه البابا أسوأ أزمة صحية منين تولى البابوية. ولوحظ أنه ما كانش شي حد حداه فالصورة، وما كانش كيبان شي أثر لأنابيب أكسجين أو أجهزة تنفس صناعي.

وفي نفس السياق، قال الفاتيكان إن الحالة الصحية ديال البابا تحسنت بشكل ملحوظ طوال نهار الأحد، وأنه ما بقاش يحتاج لجهاز التنفس الصناعي، وهادشي كيبين أن حالتو الصحية كتحسن تدريجيا من بعد ما تعرض لالتهاب رئوي مزدوج.
وأشارت التحديثات الطبية الأخيرة لي خرجات نهار السبت إلى أن البابا ولا كيستعمل أجهزة التنفس الصناعي بشكل أقل ف الليل، فظل تحسن حالتو الصحية.