وكالات //

اليمين المتطرف في إسرائيل مبقاش كيتيق حتى فراسو، وحتى وهو داخل تل أبيب، هادشي لي بيناتو واحد الصورة نتاشرات بشكل كبير البارح في إسرائيل وكاع العالم العربي.

هاد الصورة كتبان فيها واحد الصحافية سميتها ليتال شيمش وهي هازا السلاح معاها واخا هي فوسط البرنامج لي كتقدمو على “القناة 14” الإسرائيلية.

ونشر موقع “إسرائيل اليوم” هاد الصورة وقال أن ليتاش صحافية معروفة أنها مقربة من اليمين المتطرف ومن رئيس الوزراء الإسرائيلي بينيامين نتنياهو.

هاد الصورة ماشي اعتباطية وماشي بريئة، حيت اليمين المتطرف دعا الإسرائيليين أنهم يهزو السلاح، وحتى الوزير المتطرف إتمار بن غفير بان ف واحد الفيديو وهو كيوزع السلاح على المستوطنين المتطرفين.