كود – كازا ///

تُهدد شركة الطيران الأيرلندية منخفضة التكلفة بمواصلة خفض عدد مقاعد الرحلات من المطارات الإقليمية الإسبانية. ومنذ بداية العام الحالي، خفضات الشركة 800 ألف مقعد لفصل الصيف، وهو رقم يقدر يتزاد بزاف ف حالة عدم حال نزاعها مع شركة آينا.

صحافة الصبليون درات بحال المثل اللي كيقول “خلات راجلها ممدود ومْشاتْ تعزّي فـي محمود”. تجاهلات مشكل حقيقي كيأثر على قطاع الطيران المنخفض التكلفة ف اسبانيا ومبان ليها غير معدل الإشغال ف رحلات شركة رايان إير بين الكناري والصحرا المغربية.

ونشرات صحيفة “إل إنديبندينتي”، مؤخرا، مقطع فيديو لرحلة تابعة لشركة رايان إير بين لانزاروت والداخلة، وعلى متنها سبعة ركاب فقط. هاذ الفيديو صوّره مسافر في 28 يوليوز الفايت. وتم استغلالو ف حملة إعلامية ضد شركة الطيران الإيرلندية.