الرئيسية > آش واقع > صبحنا نهار لكمايم على 1141 حالة دكورونا. قتلات 83 وفلت منها 88 واللي ايجابي هو هاد الشي
07/04/2020 07:30 آش واقع

صبحنا نهار لكمايم على 1141 حالة دكورونا. قتلات 83 وفلت منها 88 واللي ايجابي هو هاد الشي

صبحنا نهار لكمايم على 1141 حالة دكورونا. قتلات 83 وفلت منها 88 واللي ايجابي هو هاد الشي

كود كازا //

اليوم ولى مفروض علينا نديرو لكمايم. طبعا اللي مسموح ليه يخرج من دارو يتقضى واللي خدام فالدولة او فشي شركة من الشركات اللي بقاو فاتحين. يعني اللي مسموح ليه وعندو ما يفيد. تفرض باش نوقفو شوية كورونا. هاد الصباح وصلنا ل1141 حالة على حساب وزارة الصحة.

بقينا فتصاعد واللي خاصنا هو نحبسو هاد التصاعد.

فهاد الحالات وصلو اللي صفاها ليهم كورونا ل83. رقم كبير ما دارتوش دول عندها عدد كبير علينا. اللي تشافاو حتى هو عدد قليل. وصلنا ل88 حالة. فدول ضربها الفيروس عدد الوفيات كيكون ثلث عدد اللي تشافاو.

الوزارة قالت فتحات تحقيق نتمناو تعطينا نتائج باش تسالي.

من الحاجات الايجابية فهاد الشي هو ان جهة الداخلة مازال ما فيها حتى حالة. الجهات الثلاث فالجنوب كلهم يالله فيهم 5 حالات. كلميم وحدة و4 بجهة لعيون بوجدور. جهة كازا مازال هي الاولى فالمغرب ب332 حالة

موضوعات أخرى