الرئيسية > ميديا وثقافة > صافي فيلم البي جي دي سالا..دوزيم أجلت حلقة غايدوز فيها سليمان العمراني نائب الامين العام لاعتبارات تقنية ولكن القضية فيها “إن”
09/03/2021 18:00 ميديا وثقافة

صافي فيلم البي جي دي سالا..دوزيم أجلت حلقة غايدوز فيها سليمان العمراني نائب الامين العام لاعتبارات تقنية ولكن القضية فيها “إن”

صافي فيلم البي جي دي سالا..دوزيم أجلت حلقة غايدوز فيها سليمان العمراني نائب الامين العام لاعتبارات تقنية ولكن القضية فيها “إن”

كود الرباط//

دقة تابعة دقة، البي جي دي معزول ماشي من الاحزاب فقط بعد التصويت على القاسم الانتخابي على اساس المسجلين، بل حتى إدارة القناة الثانية “دوزيم” أجلت حلقة برنامج “حديث مع الصحافة” اللي كان غادي تستضف سليمان العمراني نائب الامين العام لحزب العدالة والتنمية.

العمراني كتب فالفايسبوك:”اتصلت بي إدارة القناة الثانية لتخبرني أنه لاعتبارات قالت إنها تقنية، فقد تقرر تأجيل الحلقة المبرمجة غدا الأربعاء 10 مارس من برنامج”حديث مع الصحافة”، والتي كان مقررا أن تستضيفني فيها، إلى الأربعاء 24 مارس”.
طبع سياق التأجيل معروف هو القاسم الانتخابي باقي كيتناقش فالبرلمان، وكاين دبا ف لجنة الداخلية بمجلس المستشارين، روينة نايضا.

البي جي دي باغي يشد مزيان فهاد القاسم باش يسترجع التعاطف ديال الناس.

“كود” اتصلت بالعمراني مجاوبش. ولكن باين ان العمراني كاعي وبدل كاع صورتو فالفايسبوك وداير صورة رافع فيها السبابة، وهاد رفع السبابة للسماء عندها دلالة عند الاسلاميين معروف عليهم فاش كيحتجو كيرفعوها، معروفة بزاف عند جماعة العدل والاحسان المعارضة للنظام.

https://www.facebook.com/100006739510604/posts/3089739191260701/?d=n

 

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه