عمر المزين – كود///

بعد تقدم متوسط فعام 2024، واصلت صادرات الصناعة التقليدية نموها فعام 2025، محققة تطور مهم بنسبة وصلات لـ11 فيالمية، ورقم معاملات فات 1,23 مليار درهم.

وكيعكس هاد الإنجاز، حسب بلاغ صادر عن كتابة الدولة المكلفة بالصناعة التقليدية، توصلت به “كود”، قدرة القطاع على الحفاظ على زخمه الإيجابي، كما كيبرز صلابتو داخل سياق اقتصادي عالمي كيتسم بضغوطات متعددة وقوية.

ويُعد هاد الأداء نتيجة للتطورات اللي أحرزتها الصادرات على مدى أغلبية شهور السنة، واللي وصلات ذروتها خلال أشهر يناير ويوليوز ونونبر، حيث سجلات نسب نمو وصلات على التوالي 31 فالمية و34 فالمية و27 فالمية مقارنة بنفس الفترات من العام الفايت.