الرئيسية > كود سبور > صاحب حكيمي باقي معاه فالفرقة.. مبابي جدد اليوم رسميا الكونطرا مع باريس سان جرمان حتى لـ2025
21/05/2022 20:00 كود سبور

صاحب حكيمي باقي معاه فالفرقة.. مبابي جدد اليوم رسميا الكونطرا مع باريس سان جرمان حتى لـ2025

صاحب حكيمي باقي معاه فالفرقة.. مبابي جدد اليوم رسميا الكونطرا مع باريس سان جرمان حتى لـ2025

كود سبور – وكالات //

اليوم ورسميا حسم نجم كرة القدم الفرنسي كيليان مبابي مسلسل الجدل اللي نايض على انتقالو من فرقتو.

مبابي قرر يجدد الكونطرا ديالو مع باريس سان جيرمان حتى لعام 2025، وأكد بذلك تقارير سابقة لبعض وسائل الإعلام ففرنسا اللي هضرات على إمكانية التجديد.

هاد الخبر اللي تنشر فالموقع الرسمي ل”PSG” واللي فرح جماهير النادي اللول فالعاصمة الفرنسية، علن عليه هاد العشية رئيس الفرقة ناصر الخليفي اللي كان مع اللاعب كيليان مبابي مباشرة من وسط تيران “حديقة الأمراء” فباريس.

وقال الخليفي، فكلمة للجماهير قبل الماتش ضد ميتز، فآخر مباريات “لاليكَ 1”: “مسا الخير عليكم. عندي خبار كتفرح ليكم كاملين.. كيليان مبابي غيبقى معانا حتى لصيف 2025”.

ومن جيهتو قال مبابي قدام عشرات الآلاف من الجماهير اللي كانت حاضرة فالسطاد: “أنا فرحان حيت غنكمل فهاد المغامرة.. فرحان بزاف حيت غنبقى فباريس مع فرقتي باريس سان جيرمان.. فداري.. كنتمنى نربحو المزيد من الألقاب”.

ومن المعلوم أن الكونطرا ديال مبابي (23 عام) كان غيكمل فشهر يونيو الجاي، وكان على بونت يولي ديسبونيبل ويمشي فصفقة انتقال حر.

https://www.psg.fr/equipes/equipe-premiere/content/kylian-mbappe-prolonge-son-contrat-avec-le-paris-saint-germain-jusquen-2025

موضوعات أخرى

24/06/2022 23:00

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا