الرئيسية > > شي وحدين عوض ما يفرقو تيكي ڤي ڤي آي پي على شي تافهين وصحابهم يفرقوها على صحافيين مشاو لقطر وما معتامدينش من الفيفا وكيخدمو حسن من هادوك المعتمدين اللي خداو الف اورو ولا داك الراديو اللي ساكن مع الجامعة
05/12/2022 20:00

شي وحدين عوض ما يفرقو تيكي ڤي ڤي آي پي على شي تافهين وصحابهم يفرقوها على صحافيين مشاو لقطر وما معتامدينش من الفيفا وكيخدمو حسن من هادوك المعتمدين اللي خداو الف اورو ولا داك الراديو اللي ساكن مع الجامعة

شي وحدين عوض ما يفرقو تيكي ڤي ڤي آي پي على شي تافهين وصحابهم يفرقوها على صحافيين مشاو لقطر وما معتامدينش من الفيفا وكيخدمو حسن من هادوك المعتمدين اللي خداو الف اورو ولا داك الراديو اللي ساكن مع الجامعة

كود الدوحة ///

دابا نايضة الروينة على التيكي فماتش المغرب غدا ضد الصبليون فثمن نهاية كأس العالم اللي غادي يكون مع الستة فسطاد المدينة التعليمية.

القضية دابا ماشي على شكون غادي ياخد هاديك 5 الاف تيكي اللي قالت الجامعة باللي خداتها من الفيفا. شي كيقول غادية تباع وشي كيقول غادي توزع. ننساو هادي.

فهاد المونديال كاين جوجت الانواع من الصحافيين المغاربة. كاين صحافيين معتمدين من الفيفا هادو كياخدو تذاكر كصحافيين بعد ما كيطلبوها من بلات فورم ديال الاعلام فموقع الفيفا.

كاينة عينة اخرى من الصحافيين المغاربة اللي حاضرين للمونديال. هادو خداو اعتماد من الدولة المستضيفة فقطر وكيكونو غير فالمركز الاعلامي اللي كاين فمشيرب وسط الدوحة. هادو ما عمر الجامعة لا سولات فيهم ولا عطاتهم شي تدكرة للدخول وماشي ضروري درجة اولى او 2 او حتى 3. شفنا وحدين جاو من الرباط وخداو تذاكر ليهم ولعائلاتهم والجامعة ما عمرها سولات فهادو

ايلى دخل شي حد خاصو يتصال ويعاورط ويسول ويقدر ياخد او للا. كون كانت التذاكر كتباع كون شراتها المؤسسات.

تصورو مؤسسات اعلامية راسلة صحافيين وصحافيات على حسابها فقطر اللي كلها غلى وكتقاتل وفاللخر ما كيلقاش صحافي ديالها تذكرة. كاينين صحافيين كيخدمو بزاف وكثر من هادوك المعتمدين اللي وزعات عليهم الجامعة الف اورو وماشي غير كيطبلو بحال راديو مارس اللي ساكنين فنفس اوطيل الجامعة.

هاد الصحافيين ما سكنوش فالمراكز الاعلامية كيف دارو شي صحافيين معتمدين. عاطينها غير طحين الكاغيط.

دابا هاد الناس اللي كيفرقو التذاكر فالجامعة ما كيحشموش.

اما قضية الڤي آي پي فراها فضيحة كبيرة بزاف. القضية غادية نعاودوها فكود ولكن حتى يلعب الاسود غدا فماتشهم ضد الصلبيون واللي بغيناه يكون فصالحنا

موضوعات أخرى

03/02/2023 08:20

كانت كدير الوساطة فلاسيرونس بلا ترخيص.. محكمة برشيد حكمات على مرا بعام ونص ديال الحبس

03/02/2023 07:00

حيفظي باي باي من الباطرونا بسباب التنوعير والقوالب لي مورط فيها مولاه النعمة ميارة