كود كازا ///
البارح شي شركات ومؤسسات بلا خبار المخزن ناضو طلبو من مستخدميهم يمشيو فحالهم مع الربعة. تخلعو الناس. البارح ولاية جهة الدار البيضاء قالت انو “لم يتم إصدار أي أمر من أي سلطة كانت، سواء من أجل إغلاق المحال التجارية، أو الإخلاء المبكر لمقرات العمل بالدار البيضاء”.
السلطات قالت باللي هادي “أخبار زائفة” هدفها “زعزعة طمأنينة ساكنة” كازا
اليوم ادارة كوليخيو خوان رامون خيمينس فكازا وهي مدرسة تابعة لاسبانيا وتعليمها، رسلات ميساج لعائلات التلاميذ والتمليذات قالت فيه باللي قراية غادية تبقى كيف كانت وباللي اللي يقدر يطلب منهم يغيرو برنامجهم فالمدرسة هي المكلفة بالتعليم فسفارة اسبانيا وباللي هاد المؤسسة ما رسلات ليهم والو
شي عائلات ما بغاتش ترسل ولادها خوفا من احتجاجات “جيل Z هاد الشي من حقها. اللي ماشي من حقها هي تطلب من الكوليخيو يوقفو التعليم على احتجاجات ما كانش عندها تأثير فسير المؤسسات التعليمية فكازا. هادي تصرفات حقيرة. الاجنبي كيفهم حسن من شي وحدين حتى مطالب التعليم ماشي شغلهم. ختارو يقريو ولادهم فالتعليم الاسباني