نجوى المالحي-كود//
تختار الفيلم الروائي الطويل ديال المخرجة المغربية ليلى كيلاني بعنوان “شيوع” باش يشارك في المسابقة الرسمية ديال مهرجان روتردام السينمائي الدولي.
الفيلم المدة ديالو 126 دقيقة، الأحداث كاملة كدور في المرتفعات المحيطة بمدينة طنجة، وكيفاش الطمع ديال بعض صحاب العقار كيخليهم يشعلو العافية في الأراضي باش يديرو فيها ما بغاو، وهنا غادي يتم تسليط الضو على عائلة لقات راسها وسط الاختيار ما بين تبيع دارها لي جات وسط ولا تبقى مشتبثة به.
الصداع ناض بين العائلة، الجدة فاطمة لي بغات تبيع الأرض وتقبل عرض المستثمر باش يوليو لباس عليهم، وولدها أنيس لي رافض الفكرة وباغي يبقى متشبت بالدار لي ساوية الملايين.
ومعروف على ليلى إخراجها لأفلام اجتماعية، بحال فيلم “طنجة حلم الحراكَة” لي كيدوي على الهجرة لاروروبا، وفيلم “معابر” و”أماكن ممنوعة” و”على الحافة” وزيد وزيد.
فيلم شيوع سبق ليه فاز بجائزة “منصة الجونة السينمائية” في مصر، وحصل على دعم 5000 دولار ميريكاني
