الرئيسية > آش واقع > شيفور هولندي طحن قاصر مغربي.. ووالديه مالقاوش باش ينقلو الجثة من الناظور لكازا
12/10/2019 18:30 آش واقع

شيفور هولندي طحن قاصر مغربي.. ووالديه مالقاوش باش ينقلو الجثة من الناظور لكازا

شيفور هولندي طحن قاصر مغربي.. ووالديه مالقاوش باش ينقلو الجثة من الناظور لكازا

جمال بناصر – كود//

البارح الجمعة كان يوم حزين في منطقة بني نصار بسبب موت قاصر، عمره 17 سنة، كان مخبي في كاميون هولندي لنقل الأبقار.

و حسب الجمعية المغربية لحقوق الإنسان، فإن القاصر اللي الاصل ديالو من كازا، كان تايحاول الاختباء في الكاميو اللي كان جاي من اوربا للمغرب في اتجاه إحدى المدن الداخلية.

الخايبة، حسب نفس المصدر، هي أن الشيفور الهولندي بعدما ما طحن الدري كمل طريقو بلا ما يتوقف او يعيط على الإسعاف لإنقاذه.

المأساة ما وقفاتش هنا حيث بعدما جات عائلة الضحية من كازا إلى بني انصار ما قدروش يوفرو مصاريف نقل الجثة اللي تقدر بحوالي 5000 درهم، وبقاو حاصلين حتى تدخلو شي فاعلين مدنيين و جمعوا لعائلة الراحل الفلوس اللازمة باش يديو ولدهم يدفنوه حداهم.

موضوعات أخرى