وكالات //

فلت واحد الشيفور ميريكاني بأعجوبة من الموت، بعدما بقا واحل لمدة 6 ايام داخل الرموك بعدما دار كسيدة خايبة.

الكسيدة وقعات ليه ملي كان غادي فلوتوروت وهرب بيه الرموك لجيهة ليمن وهو يطيح فواحد الهودة وبقا كيتشقلب حتى حبساتو القنطرة دالواد.

السيد بقا تما 6 أيام حتى لقاوه غير شي صيادة مشاو يصيدو، وهوما يعيطو للإسعاف لي هزوه بالهليكوبتر للسبيطار.

الشيفور بقا واحل وسط الرموك لي كامل تشخشخ ومقدرش يوصل للتيلفون باش يعيط على لي اعتقو.

البوليس د ميريكان دارو بلاغ على الكسيدة وقالو أن السيد مضروب ضرابي خايبين يقدرو يهددو حياتو.