وكالات//

هددات الفنانة المصرية المعروفة شيرين عبد الوهاب بأنها غادي غتمشي للقضاء وترفع دعوى ضد الناس لي روجو الإشاعة ديال الارتباط ديالها بطبيب مصري معروف.

ونشرات المحامية ديال شيرين بيان كتقول فيه بأنها كلفات المحاميين ديالها أنهم يتبعو كاع الناس لي كيروجو عليها الإشاعات، وكيضرو بالصداقات ديالها، على حساب ماقالت.

وقالت كذلك، أنها “كتدير كل جهدها باش ترضي جمهورها وشي وحدين مصرين أنهم يشوشو عليها ويطلقو عليها الإشاعات”.

وكانت الصحافة المصرية، قالت إن شيرين عبد الوهاب فعلاقة مع طبيب مصري سميتو تامر سليم، وهو طبيب نساء وتوليد معروف فمصر.

هاد الطبيب كان غادي يخطب واحد الفنانة مصرية أخرى معروفة هي ميريهام حسين، ولكن متزوجوش فالنهاية.

الإشاعة بدات مللي شافوهوم بجوج مكيتفارقوش ف بزاف ديال المناسبات، كان آخرها فراس العام في السعودية.