كود كازا ////

الحياة بدات ترجع بشوية بعد هاد الجايحة. حدث رياضي دولي كبير رجع يتنظم فالمغرب. باتريك بوير، مدير ماراطون الرمال، قال بالليالدورة 35 من الماراطون، غادية تكون ما بين 1 و11 أكتوبر 2021.

هاد المدير قال باللي نسق مع السلطات العسكرية والمدنية فالراشيدية على هاد القبال وباللي كاع المسؤولين رحبو بيهم وعبرو عن حماسهم باش تنجح الدورة

ولكن هاد الحدث الرياضي دار ليه تعديل فدفتر التحملات ديالو. المدير وعد ب”احترامه بشكل جيد من طرف مؤسستنا لضمان تنظيم محكم لماراطون الرمال، ونجاحه بشكل كامل”٬ وانو “سيتعين على جميع المشاركين في الماراطون احترامها بشكل صارم، سواء قبل أو أثناء أو بعد نهاية المسابقة”.

واوضح انو غادي يكون “إلزامية تلقيح جميع المشاركين في الماراطون والطاقم المشرف على التظاهرة ومقدمي الخدمات والمتطوعين ووسائل الإعلام، قبل سفرهم إلى المغرب، بغض النظر عن البلد الذي يقيمون فيه، حتى يتمكنوا بالتالي من الانضمام إلى المعسكر في الوقت المحدد قبل انطلاق السباق”

ودعا المشاركين باش يجيو للمغرب وقال “راه حدود المملكة المغربية مفتوحة لجميع أولئك الذين يرغبون في التخطيط لرحلة، أو عطلة عائلية، أو عطلة نهاية الأسبوع، أو عقد لقاء، على بعد ثلاث ساعات فقط بالطائرة من العواصم الأوروبية الكبرى. أنا أشجعكم على القيام بذلك لأنه بلد رائع والشمس مشرقة على مدار السنة. ظروف السفر هناك حاليًا جيدة جدًا، بشرط أن تكونوا قد خضعتم للتلقيح”