كود كازا ////

تصورو فاي دولة كتحتارم راسها. داير مول ديالها حملة تسويقية باش تروج. تجيب غير الاجانب وتحتاقر لمغاربة. هاد الشي دارتو موروكو مول” فشي تخربيقة دارتها. عطات التنظيم لشي شركة اماراتية اسمها “مومينت ايڤينت” على قلة لمغاربة. هادو جابو شي حقراء مغاربة معروفين بالانبطاح يخدمو معاهم ويدلوهم.

الحدث بدا البارح حدا “موروكو مول” فشابيتو كبير دار. الاستقبال اللي داروه لشي فنانات قدامات بحال نجوى كرم كيشوه بلادنا. بزاف على الاستقبال. 

البارح كان كاظم الساهر واصالة نصري واليوم كاين ماجد المهندس ونجوى كرم. كلهم فنانين اجانب. ما كاينش حتى شي فنان مغربي. ما كايناش ريحة التمغرابيت. 

بلاد كتعطي للبراني. شركة التنظيم ماشي مغربية. فنانين اجانب. الجمهور ولفلوس مغربية. فهم تسطى