وكالات//
تحط واحد لوطيل فاخر ف مدينة لاس فيغاس الميريكانية فموقف خايب بزاف، غادي يأثر على السمعة ديالو ويقدر يهرب عليه بزاف ديال الكليان.
الموقف لي وقع هو أن واحد الكليان ديالهم عضُو عقرب فالشومبر لي كان نازل فيها، وعقرب صفر من أخطر الأنواع.
على حساب الجورنال ديال “ميرور” البريطاني، هاد الحادثة وقعات لواحد السيد ميريكاني سميتو مايكل فارشي وهو من كاليفورنيا، ووقعات ليه فواحد لوطيل معروف سميتو Venetian Resort.
كيقول فارشي أنه ناض من النعاس وحس بشي آلام خايبة فمنطقة حساسة من الجسم ديالو، وفين ناض لقا عقرب ف الشورط الداخلي ديالو.
