كود سبور//

تهزت الكاميرون اليوم الاثنين على فضيحة كبيرة فالكورة الكاميرونية، واللي قرر بسببها الاتحاد الكاميروني توقيف عدد كبير من اللاعبين.

وقرر الاتحاد الكاميروني توقيف 63 لاعب، بسبب تزوير الأعمار، وكيتقدمهم اللاعب ويلفريد ناثان دوالا اللي مسجل فالليسونس ديالو بأنه من مواليد 2006، وكان دار ضحة كبير فكوب دافريك الأخيرة ملي عيط عليه مدرب الكاميرون سونگ المنتخب الكاميروني، وهاد الضجة ماشي بالمستوى ديالو حيث أصلا ما لعبش ولكن بسبب العمر ديالو حيث قالو الكاميرون انه عندو 17 عام.

ومن المنتظر تأثر هذه الفضيحة بشكل كبير على صورة الكورة الكاميرونية والأفريقية، خصوصا وان تزوير الأعمار راه شائع بشكل كبير فلافريك وبزاف ديال المنتخبات اللي كتلعب ضد منتخبات جنوب الصحرا كنشكى من هذا الشي.