كود سبور//

تفرگعت شوهة جديدة فالتيرانات المغربية، وهذه المرة بطلها “شاشة الـ”Var  فتيران العربي الزاولي بالدار البيضاء، اللي عطات صورة خايبة على فقر التجهيزات الرياضية بالملاعب المغربية، واخا المجهودات المبذولة من الجامعة الملكية المغربية لكرة القدم.

والشوهة الجديدة هي الصورة اللي نشرها الاتحاد المصري لكرة القدم، لمرافق تيران العربي الزوالي والتجهيزات ديالو، حيث الملعب غايكون فيه ماتش المنتخب المصري ضد منتخب إثيوبيا اليوم الجمعة ضمن إقصائيات كأس العالم 2026، ومن بين الصور اللي نشروها المصريين باش يوريو لجمهورهم فين لاعبين، صورة ديال “شاشة الـ”var الخاصة بتيران العربي الزاولي اللي كايتلبعو فيه ماتشات البطولة الاحترافية ديال الرجا والوداد وحتى دوري أبطال إفريقيا.

وبينت الصورة “شاشة الـ “Var وهي فحالة خايبة ومقشرة والمصيبة Hنها تحمل شعار الجامعة الملكية المغربية لكرة القدم، وهذا الشي كايعني أن المسؤول على تجهيز هذه التقنية خاصو يتحاسب، حيث صورة المغرب كاتمس ملي كاتنشر صورة فيها هذا الشي، مع العلم أن الجامعة الملكية المغربية لكرة القدم، كاتحط فلوس لتوفير هذه الأجهزة.