25/03/2023 22:31
المغاربة كيأكدوا من بقلب تيران طنجة حقيقة تاريخي وهي: المغرب قائد إفريقيا
كود سبور//
خسرات الجزائر فينال كأس إفريقيا للمحليين فبلادها وقدام شعبها مع السنغال البارح السبت، واخا دارت السلطات ديالها جميع الطرق باش تربح البطولة، ومنها حرمان المنتخب الوطني المغربي حامل لقب النسختين الماضيتين من المشاركة فالمسابقة.
وانهزم المنتخب الجزائري مع السنغال على بلادو وقدام جمهورو فالفينال بضربات الترجيح بنتيجة 5 مقابل 4، وهادشي من بعدما سالا الوقت الأصلي ديال المباراة بنتيجة زيرو لزيرو.
وكيستمر فشل الجزائر فالتتويج بكأس إفريقيا للمحليين، بالرغم من أنها نظمت هاد النسخة فبلادها وقدام شعبها، وسلكات طرق مشروعة وغير مشروعة من بينها حرمان المنتخب الوطني المغربي حامل اللقب في آخر نسختين تنظمت الأولى بالمغرب والثانية بالكاميرون.
