كود سبور//

قدر فريق الرجاء الرياضي يحقق اول رباح له في دور مجموعات النسخة الحالية من دوري ابطال افريقيا، بفوز على ماميلودي صن داونز الجنوب إفريقي، اليوم السبت فتيران العربي الزاولي بالدار البيضاء، بينما حقق فريق الجيش الملكي الفوز الثاني برباح على مانييما الكونگولي.

وسالا الماتش بين الرجاء الرياضي وماميلودي صن داونز فتيران العربي الزاولي بنتيجة واحد لزيزو لمصلحة الرجا، وماركا هدف الفريق الاخضر عيسى بنعمر بعدما استغلو نقص عددي ديال الفريق الجنوب إفريقي اللي تطرد له لاعب قبل منها، وفالشوط الثاني كانوا الرجا يقدرو يزيدو هدف ثاني، ولكن قلة التركيز حرمهم من التسجيل، وتطرد لهم مروان زيلا قبل نهاية المباراة بربع ساعة ولكن عرفو كيفاش يتعاملو مع أطوار الماتش وصيدو لاعب ثاني من صد داونز اللي تطرد قبل نهاية اللقاء بجوج دقايق وخرجو رابحين.

وديما مع المجموعة الثانية، ونفس التوقيت قدرو الجيش الملكي يربحو مانييما من الكونگو الديمقراطية بنتيجة 2 لزيرو فتيران مكناس، وماركا الهدفين ديال الفريق العسكري كل من خالد ايت ورخان وأمين زحزوح.

وبالنتيجة ديال الماتشات بجوج، عزز الجيش الملكي صدارة المجموعة الثانية برصيد 8 النقاط، وصن داونز الجنوب إفريقي احمد رصيدهم عند 5 نقاط ورجعو للمركز الثاني، والرجا خداو 3 النقاط رفع بها الفريق الرصيد ديالو إلى 4 نقاط وطلعو المركز الثالث، ومانييما الكونگولي، بقات عندهم 3 نقاط ومحتلين المركز الثالث قبل 2 جولات من نهاية دور المجموعات.