الرئيسية > آراء > شوف تيفي ماشي هي ادريس شحتان وهاد القناة عندها جمهورها وكيشوفها 17 مليون يوميا واللي قلقاتو راه كاين القانون
07/07/2020 08:00 آراء

شوف تيفي ماشي هي ادريس شحتان وهاد القناة عندها جمهورها وكيشوفها 17 مليون يوميا واللي قلقاتو راه كاين القانون

شوف تيفي ماشي هي ادريس شحتان وهاد القناة عندها جمهورها وكيشوفها 17 مليون يوميا واللي قلقاتو راه كاين القانون

كود كازا ///

ادريس شحتان مدير نشر “المشعل” وصاحب “شوف تيفي” اعلامي يستحق الاحترام والتقدير. دار مسارو بيدو. تقاتل وتضرب باش تشد فالحبس وقليل اللي دافعو عليه وكانو عارفينو مظلوم فهاديك الفترة اللي دوزها فالسجن. اليوم دار تجربة رائدة. تجربة نجحات. كيشوفوها شي 17 مليون يوميا.

هاد الشي دارو بخدمتو. غالط اللي يظن ان شحتان دارو ليه الطابي روج باش بدا. راه تحارب وتقاتل وخدم ودمر باش يوصل لهاد المرحلة. وصل باش “شوف تيفي” تكبر وتولي تمشي بوحدها. ماشي بوحدها راه فيها اكثر من 107 ولد وبنت كيخدمو ليل ونهار فكاع مدن المغرب وخارج لبلاد كاع. هاد الشي علاش كاين فرق بين الصحافي الناشر وبين المنتوج.

شوف تيفي ماشي شحتان. هاديك قناة اللي كيحس باللي مسات شي حق من حقوقو راه كاين القانون. راه اصلا هاد القناة ما كيحميها حد. مديرها كل اثنين فالمحكمة. ماشي بحال شي وحدين حتى ايلى بغى يدعيهم شي حد ما كيقبلوه.

تجربة هاد القناة تستحق القراءة والدراسة والتحليل ماشي السب والقذف والمعيور.

موضوعات أخرى