كود -mundodeportivo//

منير نصراوي بات لامين يامال رجع دار البوز بفيديو لاحو فأنستغرام، وجّه فيه رسالة مباشرة لبلدية برشلونة ، كيهضر فيه على الوضعية اللي كاينة فجرادييال بيدرالبيس، لي كيطالب بتحسين الظروف ديالها، خصوصاً من ناحية الرفق بالحيوانات اللي كيتواجدو تما.

نصراوي عبّر على الغضب ديالو بسبب نقص الما وقال: “شوفو يا الناس، ما كاينش الما، ما كاينش الما” وهو  كيشير لواحد النافورة اللي كانت ناشفة ،وقارن الوضع بالحي اللي تزاد فيه فـروكافوندا حدّ ماتارو، وقال باللي تما الما موجود ،وأكثر حاجة كانت معصّباه هي الحيوانات اللي ما لقاتش فين تشرب.

https://www.instagram.com/reel/DUiQOwugjX4/?igsh=MWJ0ejFqeHE3a252aA==

وأكد منير باللي هاد المشكل راه متابعو من شي جوج سيمانات، وقال: “هاد الحيوانات مساكن ما لاقيينش ما يشربو، هاد الشي عار”. وبدّل اللغة ديالو فوسط الفيديو وولا كيهضر بالكاتالونية باش يوصل الرسالة ديالو لأكبر عدد من الناس، وبيّن باللي القضية خطيرة وخاصها تدخل عاجل.

و الفيديو، بانوا جوج عيالات كبار فالعمر وشاركو حتى هما فالشكوى، وحدة قالت باللي السبب هو انهم حبسو الرشاشات، ووحدة أخرى هضرات على مشكل السياجات، منير سالا كلامو وقال: “خلصت على داري بزاف، وما كاينش الما للكلاب، هاد الشي عيب”ووجّه انتقاد مباشر للمسؤولين.