الرئيسية > آش واقع > شوفو وضاعة هاد شركة العقار “ياميد”. كتخدم مع القطاع العام وباطرونها البقالي: اللي بغى يبقى خدام فابور مرحبا. علاش الحكومة ما تقررش : ممنوع توزيع الديفيدانس على الشركات اللي ما ساهماتش فالصندوق وتقطع ليها مشاريعها مع الدولة
30/03/2020 08:01 آش واقع

شوفو وضاعة هاد شركة العقار “ياميد”. كتخدم مع القطاع العام وباطرونها البقالي: اللي بغى يبقى خدام فابور مرحبا. علاش الحكومة ما تقررش : ممنوع توزيع الديفيدانس على الشركات اللي ما ساهماتش فالصندوق وتقطع ليها مشاريعها مع الدولة

شوفو وضاعة هاد شركة العقار “ياميد”. كتخدم مع القطاع العام وباطرونها البقالي: اللي بغى يبقى خدام فابور مرحبا. علاش الحكومة ما تقررش : ممنوع توزيع الديفيدانس على الشركات اللي ما ساهماتش فالصندوق وتقطع ليها مشاريعها مع الدولة

كود اسماء غربي ////

هادي 3 ايام كتبنا ف”كود” على شركة بدات تعرف فالعقار اسمها “ياميد” وعندها فروع. رئيس مجلس ادارتها هو شي حد اسمو كريم البقالي. هادا جمع اللي خدام معاهم وخلاهم يوقعو كونجي 3 اشهر بلا خلاص. فهاد الجايحة فهاد لقوادة قولب كلشي.

عندو ما بين 50 و70 مستخدم كلهم تضررو من هاد الاجراء التعسفي اللي غادي ضد توجهات الدولة. كيفاش الدولة نايضة كتقاد فكلشي باش الشركات يبقاو مخدمين عباد الله وباش الاسر الفقيرة تاخد الدعم وباش الامن يبقى وباش ما يقيسناش “كورنا فيروس” بشكل كبير.

وزير الداخلية قال فالبرلمان ديك النهار هدر على جشع البعض وقال ليهم ترجلو راه اما تنقدو كاملين ولا نغرقو كاملين. بحال هاد البقالي وقراراتو الغبية غادية ضد توجهات الدولة.

هاد الشركة ما سمعناهاش اصلا ساهمات فصندوق مواجهة “كورونا فيروس”. هي ماشي مساهمة اجبارية ولكن كتبين ليك معدن المقاولة.

دابا علمت “كود” من اكثر 4 المستخدمين فهاد الشركة انو دار معاهم اجتماع باش خرج مقالنا الاول. بغى ياكل دماغهم بكلام را حنا عائلة وقال باللي غادي يخلي اللي المناصب الاساسية والباقي ايلى بغى يبقى خدام وما يتخلصش مرحبا.

دابا الدولة كاع نايضة باش نخرجو سالمين من هاد الجايحة وهاد السيد باغي يتخلى على هاد المستخدمين.

هاد الشركة راها خدامة مع الدولة. عندها مشاريع مع الدولة مع القطاع العمومي وعندها مشاريع فالسكن الاقتصادي.

بحال هاد الشركات خاص الدولة تحيد ليها كاع المشاريع اللي عندها ودير بحال فرانسا ممنوع توزيع الارباح الشركة هاد العام بالنسبة لهاد العينة اللي ما ساهماتش فالصندوق. اللي ساهم فالصندوق وربح شي بركة مرحبا بيه الرباح والمغاربة فرحانين ليه. شركات كثيرة واقفة ولكن ما قرباتش للعاملين ولا جرات عليهم علاش هاد الشركة دارت هاد التصرفات.

“ياميد” للعقار اللي بانت هادي سنوات قليلة صافي عندها مشاريع بين كازا وسلا. خدم مع “التي جي في”. مديرها العام كريم البقالي كان صرح ل”شالانج” باللي باللي كيحتارم معايير السلام وجودة المواد وكيحتارمو كاع التزاماتهم” ودابا كتخلى على مستخدميك. ما كتحشمش.
هاد الشركة كيف قلنا خدامة مع الدولة عندها 600 الف متر مربع اللي كينمي فيها بين كازا والرباط وكيتصرف ف 3.8 مليار درهم. وكيتصقرم على مستخدمين فهاد اللحظة

شريكو هو الذراع العقاري للبنك الفرنسي الشهير “باري با” وعندو فسلا 855 شقة من السكن الاقتصادي و44 لوجمون ديال الدخل المحدود بجوجهم فسلا وعند الشركة “املاك البرنوصي” فيه 5 الاف شقة وتجهيزات عمومية وخاصة على 22 هكتار وعندها “اقامة بيل ريڤ” فشارع ايميل زولا فبلفدير فكازا شقق للطبقة المتوسطة

“ياميد” للعقار شريك فمشروع طنجة سيتي سانتر وشريك مع متاجر تجاربية فمحطات كازا وطنجة والقنيطرة وطنجة وفرع هاد الشركة هو اللي كيبيع مساحات تجارية ما بين 30 الف متر مربع و10 الاف متر مربع.

يعني الدولة عندو من تشدو وترد عليه على هاد التصرف للي كيبين معدن هاد رجال الاعمال

موضوعات أخرى

05/06/2020 11:50

مشروع منظومة استهداف المستفيدين من برامج الدعم الاجتماعي.. بوطيب: ها كيفاش غادي يتم تصحيح الاختلالات وتجاوز الإكراهات

05/06/2020 11:30

كورونا فالمغرب: إجراءات كتدل على تحسن الوضعية الوبائية.. وفالحجر الصحي كانت عمليات الولادات كثيرة فالوقت لي هملو فيه مغاربة صحتهم خوفا من تلقي العدوى