الرئيسية > ميديا وثقافة > شوفو هاد لكمامر. “كذب ابيض” لاسماء المدير ربح النجمة الذهبية لمهرجان مراكش. سينمائية ما خداتش حتى الدعم وما عمرهم عرضو عليها للمهرجان واليوم راكبين على نجاحها
02/12/2023 21:00 ميديا وثقافة

شوفو هاد لكمامر. “كذب ابيض” لاسماء المدير ربح النجمة الذهبية لمهرجان مراكش. سينمائية ما خداتش حتى الدعم وما عمرهم عرضو عليها للمهرجان واليوم راكبين على نجاحها

شوفو هاد لكمامر. “كذب ابيض” لاسماء المدير ربح النجمة الذهبية لمهرجان مراكش. سينمائية ما خداتش حتى الدعم وما عمرهم عرضو عليها للمهرجان  واليوم راكبين على نجاحها

مراكش هند لكلاوي//

السينمائية المغربية اسماء المدير اليوم السبت 2 دجنبر 2023 بمراكش عاد تنصفات شوية فبلادها. ربحات بفليمها “كذب ابيض” النجمة الذهبية = هي الجائزة الكبرى= للدورة العشرين لمهرجان مراكش للفيلم.

الاعلان على الجوائز دار قبل قليل اليوم السبت 2 دجنبر 2023 بقصر المؤتمرات بعاصمة البهجة.

علاش شوية تنصفات؟ حقاش هاد السينمائية تقاتلات باش دير فيلمها وتسنات سنوات. ما دعمها حد فبلادها. نجحات بذراعها ومشات قلبات على الدعم فالخاريج. باش ربحات جائزة ف”كان” عاد ناضو خوتنا بغاو يركبو عليها. شوفو على كمامر.

هاد السينمائية باش ربحات “كان” حشماتهم. هزات راية بلادها. فتاخرات بمغربيتها واخا ما حصلات حتى على درهم من صندوق الدعم المخصص للانتاج السينمائي المغربي اللي كتشكل كل عام لجانو من قبل وزارة الاتصال

شي وحدين كياخدو هاد الدعم ما كيستاحقوش واللي كيستاحقو بحال المدير ما كياخدوش.

دابا حتى مهرجان مراكش او ادارتو ركبات على هاد الشي. ما كيعرضوش حتى عليها فالسابق باش دارت افلام. اليوم كلشي كيتسابق يتصور معاها. هي براسها قالت بعد اعلان اسمها باللي كانت كتشوف حفلات الاختتام فالتلفزيون.

كنهدر على دعوات للحضور. راها سبق ليها وشاركات فورشات الاطلس ديال مؤسسة مهرجان مراكش وخدات شي بركة باش دير افلامها هادي 4 سنين

موضوعات أخرى

21/02/2024 19:00

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 18:20

البنك الدولي: النمو الاقتصادي فالمغرب تحسن وتوقع يرتفع لـ3,5 فالمية والتضخم غاد يتراجع وها شنو خاص يدير بنك المغرب

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب

21/02/2024 17:26

ها شنو طرا بين اخنوش وسانشيز: كثر من ساعتين من المباحثات والتوجاد للمونديال ومارشيات كبار كيتسناو الشركات الاسبانية والتعاون الأمني والموقف من حرب غزة

21/02/2024 17:00

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي