كود كازا ///

رضوان الرمضاني مول قفص الاتهام شابعين فيه سبان من نهار كتب فالفايس بوك ديالو أنه غادي يجيب كوبل سارة وأبو جاد للبرنامج ديالو اللي غادي يدوز هاد العشية. يعني مازال ما سمعوهش كاع

أغلب التعليقات قالت الرمضاني باللي طيح النيفو ديال البرنامج حيت جايب جوج كيسميوهم تافهين واخا الأخبار ديالهم كلشي متبعها.

الرمضاني ديما كيقوليهم البرنامج ماشي سياسي وماشي ديال النخبة، وجاوب فالمنتقدين ديالو اللي شبعوه سبان باللي هوما اللي طلعو هاد الناس ملي كيهضرو عليهم بزاف حتى ولاو ظاهرة فالمغرب.