الرئيسية > آش واقع > شوفو مزايدة ناس بنعرفة فصفقة القرن. الحكومة اللي كيرأسها: نقدر جهود الادارة الامريكية وحزبو: نرفض الصفقة وهذه مؤامرة
29/01/2020 16:15 آش واقع

شوفو مزايدة ناس بنعرفة فصفقة القرن. الحكومة اللي كيرأسها: نقدر جهود الادارة الامريكية وحزبو: نرفض الصفقة وهذه مؤامرة

شوفو مزايدة ناس بنعرفة فصفقة القرن. الحكومة اللي كيرأسها: نقدر جهود الادارة الامريكية وحزبو: نرفض الصفقة وهذه مؤامرة

كود كازا ////

دابا بنعرفة عندو جوج وجوه ماشي كاسكيطات فالموقف من صفقة القرن فالشرق الاوسط او مخطط السلام اللي اقترحاتو الادارة الامريكية. قبل قليل قال وزير الخارجية والتعاون ان “المغرب يقدر جهود الإدارة الامريكية” فقضية مخطط السلام بالشرق الأوسط.

واضاف الوزير ان المغرب “يأمل في أن يتم إطلاق دينامية بناءة للسلام”.

الدولة المغربية والحكومة اللي كيرأسها حزب العدالة والتنمية مع هاد المخطط وكدعمو. وفنفس الوقت الحزب ضدها وكيعتبرها مؤامرة. هاد الشي عبر عليه نائب الامين العام للحزب سليمان العمراني فتدوينة روجها. موقف رسمي للحزب قال فيه ”نعتز بالرد القوي والحازم والحاسم للرئيس الفلسطيني محمود عباس، الذي أكد أن ” القدس ليست للبيع، والصفقة المؤامرة لن تمر، وسيضعها الشعب الفلسطيني في مزابل التاريخ”، كما شدد أن “المؤامرات وصفقات العصر ومخططات تصفية القضية الفلسطينية إلى فشل وزوال، ولن تخلق حقا ولن تنشئ التزاما””.

واعتبر العمراني ان هذا المخطط اللي قتارحو الرئيس الامريكي دونالد ترامب مؤامرة “تحاك ضد القضية الفلسطينية”

دابا شوفو شحال من وجه عند البي جي دي.

موضوعات أخرى