كود//

مركب الأمل للتنس اللي كان قبل سنوات مفخرة للكازاويين تحول بسبب سياسة “لهلا يشقلب” من مركب رياضي احتضن دورات جائزة الحسن الثاني إلى ملاذ للمتشردين والحيوانات الضالة.

صور جديدة تم تداولها للمركب يكشف الحالة المتردية اللي وصلها.

قبل مدة كانت جامعة التنس بغات تعاود ليه الصيانة وتستفد منو جميع الشهور ديال العام ماشي غير مناسبة الجائزة الدولية. قالو ليها لا، غادي تكلف بيه “كازا إيفنت”.

مجلس المدينة ما بغاش يخصص اعتماد مالي لصيانة المركب وبقات الأمور كتفاقم حتى تحول حلم الملك الراحل باش المدينة يكون عندها مركب للتنس بحال العواصم الدولية مجرد سراب.