الرئيسية > آش واقع > شوفو على تخلف سياسي عند الاتحاد الدستوري.. شافو راسهم ماداخلينش للحكومة وباغين يديرو الصابونة لساجد لي فشل يجيب مقعد فالجهات باش يتقربو للحمامة
12/09/2021 18:30 آش واقع

شوفو على تخلف سياسي عند الاتحاد الدستوري.. شافو راسهم ماداخلينش للحكومة وباغين يديرو الصابونة لساجد لي فشل يجيب مقعد فالجهات باش يتقربو للحمامة

شوفو على تخلف سياسي عند الاتحاد الدستوري.. شافو راسهم ماداخلينش للحكومة وباغين يديرو الصابونة لساجد لي فشل يجيب مقعد فالجهات باش يتقربو للحمامة

كود الرباط//

الاتحاد الدستوري، تالف معارفش فين يحط راسو، خصوصا بعدما اتضح بلي حزب الاحرار مبقاش باغي يثقل بيه فريقو البرلماني، خصوصا وان الحمامة عندها دبا فريق قوي ب120 مقعد برلماني.

الاتحاد الدستوري فهم الدرس، وبغا يلصق فالحمامة بأي طريقة، ولو يضحيو بمحمد ساجد الامين العام الحالي، واللي ولى مقرب من البام كثر من الاحرار. ساجد فشل يجيب مقعد فاللائحة ديال الجهات. دبا مطلوب من طرف قيادة الاتحاد الدستوري باش يقدموه قربان للتحالف مع الاحرار.

الاتحاد الدستوري اللي ولا كيتحكم فيه ال الراضي والفردوس. غايمشيو للمعارضة بزز منهم، ماشي بخاطرهم.

مصدر فالاحرار قال ل”گود” : ميمكنش نعاودو نفس التحالفات السابقة، مضيفا :”الاتحاد الدستوري كان مثقل على فريقنا البرلماني واحيانا دار لينا مشاكل، ودبا حنا مبقاش معه كلام”.

وشدد المصدر نفسه ان التحالف الحكومي غادي يحترم الارادة الشعبية والترتيب ديال الاحزاب. بحيث مثلا ميمكنش نتحالفو مع البي بي اس والبي جي دي والاتحاد الدستوري.. مستبعد جدا.

موضوعات أخرى

16/09/2021 20:20

حملة كبيرة على المجرمين المتورطين فـ لكَريساج والابتزاز بفاس.. آخرهم “ولد الكرداسية” و”الزيزون” و”الهيلوص” و”لزعر”

16/09/2021 20:00

الجنس مقابل النقط.. الفرقة الوطنية جات ليوم لكلية سطات للتحقيق ف ملف الاستاذ ورئيس شعبة القانون العام اللي حصل كينعس مع الطالبات مقابل ينجحهم