كود كازا//

الجمعة اللي فاتت 25 شتنبر جات صحافية دولية لمؤسسة إعلامية تركية “تي ار تي” دير حوار مع وزير العدل عبد اللطيف وهبي. ماشي هادا هو لخبار. الصحافية حاملة وكتوحم. تقول مصادر كود”، بعد ما سالات الحوار مع الوزير وخرجات لقات السيكوريتي ديال الوزارة كياكلو الكسكسو. جاتها التوحيمة القصرية وما قدراتش تقولها ليهم حسب مصادر “كود”.

اللي وقع أن الصحافية دخلات لدارها وجاها انهيار وصدق رجع راجلها لارجع من مكناس اللي كان فيها، تحكي مصادر “كود”، وجاب ليها الكسكسو ولكن ما بردتش ليها الخاطر.

القصة، ما سالاش هنا. تقول مصادر “كود”، ان لخبار وصل لوزير العدل اللي رسل ليها گصعة ديال الكسكسو سخونة ولذيذة اليوم الاثنين.
وحسب مصادر “كود”، فالصحافية كانت صدمتها (ايجابياً) كبيرة بهاد الالتفاتة الإنسانية الجميلة.

كلاتها مسكينة وهي ما مصدقاش باللي لوزير اللي في عز الجدل حول التعيين الملكي لرئيس الحكومة ارسل ليها هاذ القصرية. كثر من هادا قال ليها، حسب مصادر “كود”، “ايلى بغيتي تاكلي الكسكسو الجمعة الجاية مرحبا”