كود – كازا ///

قالت تقارير إعلامية، أن عدد كبير من الشوافرية المغاربة البروفيسيونيل اللي استافدو من الاتفاقية الجديدة بين إسبانيا والمغرب بشأن الاعتراف المتبادل بالبيرميات ( Cأو C+E أو D أوD+E ) واللي دخلات حيز التنفيذ ف 7 أبريل الفايت، دبرو على راسهم مع شركات صبليونية بالزربة بسباب الصاليرات والتعويضات المشجعة..

لكن المشكل المطروح هو تخلي الشوافرية المغاربة عن الرموكات ديال الشركات اللي كانو خدامين معاها فسطاسيونات فاسبانيا، مما خلق مشكل لهاذ الشركات المختصة فالنقل الطرقي الدولي اللي ولات حاصلة مع الكليان ديالها بسباب قلة الشوافرية والرموكات اللي ولاو محجوزين بحكم الأمر الواقع.

السلطات الإسبانية رفضات تسلم الرموكات للشركات المغربية، حيت كتطلب ضرورة حضور الشوافرية اللي كانت الرموكات فالعهدة ديالهم باش تقدر تسلمهم للشركات المالكة لها، مما عقد من إجراءات حل المشكل.

https://transporte3.com/noticia/20774-choferes-marroquies-abandonan-sus-camiones-para-incorporarse-a-empresas-espanolas/