وكالات//

فواحد الشهادة اللي كانت مثيرة قدام المحكمة نهار 3 يونيو، إيدي غارسيا، اللي كان مشرف أمني سابق ففندق إنتركونتيننتال فـ لوس أنجلس، قال فشهادتو بللي شون “ديدي” كومبس خلص 100 ألف دولار باش ياخد فيديو كيبان فيه وهو كيعنف صاحبتو السابقة كاسي عام 2016.

وغارسيا حكى كيفاش هو وشي زملاء خداو داك المبلغ الكبير من بعد ما سلمو الفيديو، اللي كانت المساعدة ديال ديدي هي اللي طلباتو.

فالبداية، غارسيا ما بغاش يعطي الفيديو، وقال للمساعدة ديال ديدي تمشي للإدارة ديال الفندق ولا تجيب استدعاء رسمي، ولكن من بعد ما عايتو ليه بزاف المساعدة وكومبس اللي كان باين عليه التوتر، وقال بللي كان سكران فداك الفيديو وخاف يتنشر ويخرب ليه المسيرة ديالو، عرض كومبس عليه يعاونو ماديا مقابل ياخد الفيديو.

ومن بعد ما شاور المدير ديالو بيل مدرانو، تفاوض غارسيا على مبلغ 50 ألف دولار، وهداك العرض قبلو كومبس، وقال على غارسيا بللي هو “ملاك”.