الرئيسية > آش واقع > شنگريحة كيصدر الوهم للجزائريين.. هاجم المغرب وسيادتو على الصحرا وربط النزاع بفلسطين
27/02/2024 12:30 آش واقع

شنگريحة كيصدر الوهم للجزائريين.. هاجم المغرب وسيادتو على الصحرا وربط النزاع بفلسطين

شنگريحة كيصدر الوهم للجزائريين.. هاجم المغرب وسيادتو على الصحرا وربط النزاع بفلسطين

الوالي الزاز -كود- العيون////

[email protected]

هاجم رئيس أركان الجيش الجزائري، سعيد شنگريحة الوحدة الترابية للمملكة المغربية خلال للناحية العسكرية السادسة بتمنراست، وربط نزاع الصحراء بالقضية الفلسطينية فإطار محاولات نظام العسكر لشيطنة المغرب، وإضفاء صبغة قومية على نزاع الصحرا فالوقت اللي جل الدول العربية كلها تدعم السيادة المغربية على الصحراء والدول اللي ما كدعمش واخدة موقف حيادي ومسافة.

شنگريحة فخطابو زاد عزز دور نظام العسكر فهاد الملف واخا هوما كيقولو بأنهم ماشي طرف فالملف، وقال بأن بلادو كدعم “القضايا العادلة” بحال “القضية الفلسطينية والصحراوية”.

وزاد شنگريحة صب الزيت على النار بالقول ” الاحتلال ليس مجرد ممارسات قمعية ضد الشعوب المحتلة، بل هو سطو على كيانها وهويتها ومقدراتها بل وحق مواطنيها في الحياة، وما يتعرض له الشعبان الشقيقان في كل من فلسطين والصحراء الغربية المحتلتين، يبرز أبشع صور التنكيل بالمدنيين، خاصة منهم الأطفال والنساء والشيوخ، دون مراعاة أبسط القواعد الدولية لحقوق الإنسان والقانون الدولي الإنساني…”، على حد زعمه.

هاد التصريحات كتبين بأن شنگريحة ما عايشش فهاد العالم، ويكفي تكذيبها من طرف مختلف الوفود اللي جات وشافت العيون والداخلة وغيرها من المدن، وكتكذبها تقارير الأمين العام للأمم المتحدة، وحتى مجلس الأمن فقراراتو، وتجسد فقط الحقد الدفين على المغرب.

هاد النوع من التصريحات عادية من مؤسسة العسكر اللي عايشة فالوهم ومغيبة الشعب الجزائري بالكذوب والتدليس وكتشغلو بهاد القضايا عن القضايا العادلة الحقيقية المرتبطة بحُرية الشعب وتوفير لقمة العيش ليه وترقية الوضع الإقتصادي وتمكينه من ثرواته بعيدا عن جرائم الإستنزاف اللي كتمارسها فحقو.

موضوعات أخرى

16/04/2024 19:00

بعد الاستماع لأزيد من 30 بوليسي.. المرافعات غادي تبدا الشهر الجاي فملف اختلاس أموال مخالفات السير ففاس قبل إصدار الأحكام

16/04/2024 18:30

الصراع على رئاسة لجنة العدل والتشريع مستمر..السنتيسي ل”گود:” مغاديش نتنازلو على هاد المنصب والفريق الاشتراكي خالف الاتفاق اللي كان فاللول وها اش كيقول التمثيل النسبي

16/04/2024 18:14

وزير الفلاحة: ارتفاع معدل التساقطات المطرية إلى حدود أبريل بـ 9 في المائة مقارنة مع السنة الماضية

16/04/2024 17:30

فاقدين الأمل فجلسة مجلس الأمن حول الصحرا.. وزير خارجية الجزائر مشا لنيويورك باش يدعم عضوية فلسطين فالأمم المتحدة

16/04/2024 17:10

ملف اختلاس فلوس مخالفات السير ففاس.. غرفة الجنايات برئاسة المستشار لحية كتستمع من الصباح لأزيد من 30 بوليسي قبل انطلاق المرافعات