الرئيسية > آراء > شنو غايطرا گااع الى حيدنا علينا داك القانون البالي ديال منع الخمور للمسلمين ؟ آش غايطرا اكثر من لي طاري ؟ البيران و الريسطورات و لوطيلات كايطيحو و ينوضو بالسكايرية ! ماشي احسن مانخسرو ارواح د مواطنين بسبب منتوجات مغشوشة فحال لي طرا فالقصر الكبير!
30/09/2022 19:00 آراء

شنو غايطرا گااع الى حيدنا علينا داك القانون البالي ديال منع الخمور للمسلمين ؟ آش غايطرا اكثر من لي طاري ؟ البيران و الريسطورات و لوطيلات كايطيحو و ينوضو بالسكايرية ! ماشي احسن مانخسرو ارواح د مواطنين بسبب منتوجات مغشوشة فحال لي طرا فالقصر الكبير!

شنو غايطرا گااع الى حيدنا علينا داك القانون البالي ديال منع الخمور للمسلمين ؟ آش غايطرا اكثر من لي طاري ؟ البيران و الريسطورات و لوطيلات كايطيحو و ينوضو بالسكايرية ! ماشي احسن مانخسرو ارواح د مواطنين بسبب منتوجات مغشوشة فحال لي طرا فالقصر الكبير!

سهام البارودي – كود//

المغاربة كاينتجو و يستهلو ملايين البرامل ديال الشراب فالعام ! البيران و الريسطورات و لوطيلات كايطيحو و ينوضو بالسكايرية من جميع الفئات الاجتماعية ! المحفحف عندو بلاصتو و شرابو و لي لاباس عليه كذلك ! الشباب دايرين گروبات فالفايسبوك كايحطو تصاور الطبالي مشارجيين بالشراب ! حتى من نزار السبيتي نهار ذاق حلاوة الشراب مابقاش قدر يستغنى عليه.

فلوس الشراب كايشكلو مداخيل مهمة فالميزانية د المغرب ! ايوا علاش مانحيدوش علينا داك القانون البالي ديال منع الخمور للمسلمين ؟

آش غايطرا اكثر من لي كايطرا دابا ؟

تاحاجة! حيت ماشي القانون لي كايمنع الناس يشربو ! الرغبة و القناعات الشخصية !

ايوا نحيدو علينا داك القانون البالي ديال الأبارتايد ! باش أولا المواطن يحس بالحرية يضرب الطاسة فالطيراس حتى هوا ماشي غير الگاوري لي عينيه زعرين ! و ثانيا باش تكون حماية للمستهلك راه ماشي غير حيت سكايري نخليوه يموت بماحيا مسمومة فحالي وقع فالقصر الكبير اليوم !

التخلف بعينيه هذا ! بلاد باغا تصور راسها على اساس انها حداثية و منفتحة على السياح و على أوروبا، ممنوع فيها على ولادها انهم يشربو الشراب! و كون غا ممنوع بصح ! ممنوع بالكذوب ! هادي راه سميتها المأسسة ديال النفاق الاجتماعي!

موضوعات أخرى

04/12/2022 18:12

معهد الشرق الأوسط الأمريكي كيحذر من تداعيات التوتر المتزايد بين المغرب والجزائر واحتمال تطور الأمور  إلى مناوشات عسكرية

04/12/2022 17:20

وشوفو لي كنتساينوهم يكونو نموذج فاحترام القانون.. سيارة ديال البرلمان مركونة فوق الطروطوار وسادة الطريق كدام وزارة العدل (صورة)

04/12/2022 14:32

روح “العائلة” الودادية كتحلق بالأسود لصناعة التاريخ فمونديال قطر. بيها شفنا إنجاز 86 كيتعاود وسرها كلشي مقتنع غادي يمشي بعيد بمجموعة الركراكي فهاد الحدث العالمي