الرئيسية > آش واقع > شنو رابح المغرب من المنتدى العالمي ديال الهجرة.. الوزير بنعتيق لـ”كود”: ها شنو ربحنا والمافيات كتديرنا بلد عبور وها كيفاش خاصنا نتغلبو على النزوح البشري
06/12/2018 17:05 آش واقع

شنو رابح المغرب من المنتدى العالمي ديال الهجرة.. الوزير بنعتيق لـ”كود”: ها شنو ربحنا والمافيات كتديرنا بلد عبور وها كيفاش خاصنا نتغلبو على النزوح البشري

شنو رابح المغرب من المنتدى العالمي ديال الهجرة.. الوزير بنعتيق لـ”كود”: ها شنو ربحنا والمافيات كتديرنا بلد عبور وها كيفاش خاصنا نتغلبو على النزوح البشري

عمـر المزيـن – كود مراكش//

ينتظر أن تختم أشغال المنتدى العالمي ديال الهجرة والتنمية لي كاين فمراكش يوم غد الجمعة. هاد المنتدى لي تابعاتو “كود” شاركات فيه اكثر من 135 دولة عبر العالم وكانو فيه شركاء دوليين، سيما ألمانيا اللي تكلفات بالرئاسة ديال هاد المنتدى. لكن المغرب شنو رابح من هادشي كولو. وشنو هي القيمة المضافة مورا هاد المنتدى العالمي.

“كود” سولات الوزير المنتدب المكلف بالمغاربة المقيمين بالخارج وشؤون الهجرة، عبد الكريم بنعتيق، وقال لـكود: “هاد المنتدى لي داير فيه المغرب رئاشة مشتركة مع ألمانيا هو فالأصل عمل تطوعي، وعوض الناس يكلسو ف الزنقة حنا درنا فضاء للمناقشة ولي مزيان ان الحكومات والاحزاب والجمعيات انخرطو فيه واقتنعو بيه وهادشي مزيان”.

وأضاف الوزير بنعتيق، في تصريح لـ”كود”، قائلاً: “هاد المنتدى هو فضاء للنقاش الهادئ حول الظواهر المعقدة ومنها الهجرة وكان ضروري المغرب يكون حاضر بقوة مادام ان هادي 11 سنة مكان عندنا منتدى بهاد الشكل ومزيان المغرب يتموقع بشكل إيجابي فهاد المواضيع الحساسة”.

وأبرز المسؤول الحكومي: “المغرب خاصو يتموقع فهاد النقاشات مني كتكون فالبدايات ديالها معقدة ووحنا معنيين بطبيعة الحال حقاش حنا بلد عبور أساسي وأي غياب وأي تنظيم ديال التدفقات البشرية غادي نأديو الثمن ديالو بحال أوروبا بالدرجة الأولى”.

وبخصوص شنو رابح المغرب من هادشي كولو. أوضح الوزير بنعتيق: “المغرب ربح بأنه مساهمين فالنقاش الكوني ودبا الهجرة راه موضوع خلافي فكل المجتمعيات وكل واحد كياخدو المنظور ديالو (ديني، عرقي، اقتصادي، اجتمياعي…)، والمغرب حاضر ف نقاش كوني راقي وعن طريقو غادي نأطرو المجتمع ديالنا حقاش الهروب من هاد النقاش معناه تخلي قنابل المستقل”.

وحذر الوزير بتعتيق من النزوح البشري، وتابع قائلاً: “الإشكال الاقتصادي مقدور عليه وخا فيه صعوبات والإشكال الاجتماعي مقدور حتى هو لكن تدبير النزوح البشري يلا مكانش رؤية وطنية تم اقليمية تم كونية غادي يتجاوز كولشي، ويلا بغينا نحميو سياسة الهجرة خاص ضروري انك تكون صارم فالتدبير ديال التعامل مع المهاجرين غير الشرعين حقاش كيكون عندهوم علاقة بمافيات وداك المافيات كتشجع باش تديرنا بلد عبور”.

موضوعات أخرى

16/12/2018 10:07

قضية شحنة الكوكايين ديال 200 مليار ما زال كيبان فيها لعجب. كولومبي كان غادي يدير مدرج سري فالداخلة لتهريب الغبرة من أمريكا اللاتينية للمغرب

16/12/2018 08:00

والي جهة العيون باغي يشعل القَبَلِية فالصحرا. ها كيفاش بغا يتحكم فمهرجان الفيلم الوثائقي لي غادي يدار فالعيون وكيفاش فرض ولاد عمو صحة على المركز السينمائي