الوالي الزاز -گود- العيون///

[email protected]

بزاف ديال الناس والجماهير خداهم لفضول بخصوص تصويرة ديال مدرب المنتخب الوطني، محمد وهبي فالتدريبات التحضيرية قبل ماتش البرازيل نهار السبت.

الجمهور المغربي بدا كيسول على واحد التويشية سصبان المدرب وهبي هازها فيدو ليسرية وربما الناس أول مرة كتشوفها وحطات بزاف ديال الأسئلة على شنو هي ولاش كتليق.

هاديك التويشية مجرد صفارة يدوية الضغط سميتها”Hand Squeeze Whistle”، وفيها بزاف ديال الأنواع، ولكن هادي اللي هاز الناخب الوطني هي صفارة تصنع من المطاط أو السيليكون، ويتم استعمالها بالضغط عليها ماشي بحال الصفارات العادية المتداولة اللي يتم النفخ فيها.

هاد الصفارة عندها بزاف ديال المزايا بحال أن صوتها أقوى وكتخدم بيد واحدة وسهلة فالاستعمال لأن كثرة النفخ فالصفارة العادية ممكن يخلق إجهاد للشخص وزيدون أكثر نظافة من الصفارة العادية اللي تستعمل بالفم.