كود – وكالات //

نهار 13 أبريل فمصر كيصادف الاحتفال بعيد ”شم النسيم،“ لي هو واحد من أقدم الأعياد فالعالم، واللي مازال محافظ على بلاصتو فالحياة ديال المصريين، هاد المناسبة تقليد قديم كيعبّر على الفرح وتجدد الحياة.

فالأصل، كيرجع هاذ العيد للعصر الفرعوني لـ2700 عام قبل الميلاد، فين كانو المصريين القدماء كيسمّيوه “شمو” أو “شوم”، واللي كتعني فصل الحصاد وبداية دورة جديدة فالحياة. ومع الوقت، تبدلات الكلمة حتى ولات “شم النسيم”، واللي بالنسبة ليهم كان هاد النهار مقدّس، حيث كيرمز لتجدد الكون، وكانو كيحتافلو به مع شروق الشمس.

حتى اليوم بقات نفس الطقوس تقريباً، مني كاتخرج العائلات المصرية للطبيعة وجناب النيل باش يستمتعو بالجو ويدوزو وقت مع بعضياتهم، ومن بين العادات اللي باقية حتى لدابا، كاين تلوين البيض وطياب “الفسيخ والرنجة“، اللي هما حوت مالح ومدخن.