كود سبور//
عبر الدولي المغربي شمس الدين طالبي على الفرحة ديالو، حيث جا للمنتخب المغربي وأكد أنه فخور بزاف بالتواجد ديالو فبلادو المغرب وشكر المغاربة على استقبالهم له.
وهضر شمس الدين طالبي اللي فضل يلعب للمغرب على أنه يلعب مع بلجيكا، وقال فتصريح له خلال أول تواجد له بمركب محمد السادس لكرة القدم: “فرحان بزاف بالدعوة اللي جات من الناخب الوطني وليد الركراكي للمنتخب الوطني المغربي، وكان حلم الطفولة نكون هنا مع هاد اللاعبين وفبلادي المغرب”.
وكمل طالبي نجم كلوب بروج البلجيكي، وقال: “كانعرف شي لاعبين اللي سهلو عليا الاندماج داخل المنتخب، ولاعبين آخرين كانتعرف عليهم، وأنا فرحان حيث كاين هنا وفخور بالتواجد فالمنتخب الوطني”.
وعبر النجم الجديد للمنتخب المغربي، وقال: “هنا البنية التحتية واعرة بزاف والطوب، والترانات زوينين وكلشي طوب هنا، وباغي ندير كل ما نقدر عليه باش نخلي المغاربة فخورين، وكانشكرهم على استقبالهم ليا فالمغرب وراني فرحان وديما مغرب”.
