كود علي الصافي العيون ///

شكيب لعلج ما بقاش تقريبا رئيس الباطرونا من نهار فضيحة ولدو فقضية اغتصاب فرنسية سالات بأرانجومون وسحبات شكايتها فإهانة للبلاد كلها.

شكيب لعلج فقد الباطرونا باش دارت شركتو فالأشغال العمومية فاييت ومن بعد ناضت ليه المقاولات الصغرى والمتوسطة اللي خدمات معاه فديك الشركة، بغات حقوقها وبهدلاتو.

شكيب لعلج فقد سيطرتو على هاد الجهاز باش مخلي أمية مكلفة بالصحافة تتحكم فيه. تصورو هاد الأمية كتشارك فالاجتماعات الرسمية وكتگلس فبلايص احسن من أعضاء الباطرونا كيف واقع هاد ليام لزيارة دايراها الباطرونا للمكسيك

حسب موظفين من سفارتنا فالمكسيك فهاديك الأمية كانت كتعامل معاهم بتعالي حقير. ما كتسوقش ليهم. كتقول ليهم أنا كنهدر غير مع السفير. هانت موظفي الدولة.

شفتو على وضعية وصلاتها الباطرونا. موظفة معروف كيفاش دخلات ومعروف كيفاش طلعات درجة درجة ومسؤولية كبيرة يتحملها صلاح الدين مزوار اللي دوز شي ايام على رأس الباطرونا قبل طردو.

شكيب غادي يزيد يغرق الباطرونا. الرئيس الجاي خاصو يكون شخصية قوية ويدير الكراطة فهاديك الإدارة.