محمود الركيبي -كود- العيون //
ذكرت مصادر محلية بطاطا، أن العافية شعلات، البارح الثلاثاء، فعدد كبيرة من النخيل بواحة تيزݣي يريغن بجماعة أيت وابلي
صور وفيديوات تم تداولهم على نطاق واسع، كيبينوا حجم الحرائق لي شعلات وجرات معاها مئات ديال أشجار النخيل ورؤوس الأغنام، وحسب المصادر، فإن العافية لي شعلات البارح هي الثانية فظرف ثلاثة أيام.
المصادر نفسها، أكدت بأن الحرائق هاد المرة كانت كبيرة والتهمت الأخضر واليابس، وزادت من خطورتها قوة الرياح لي كتضرب المنطقة وخلاتها توصل لحتى منازل الساكنة وشكلات عليهم خطر كبير.
