كود كازا سعاد زرار //

خديجة بوجنوي لمرا للي كيدير كلشي ف”دوزيم” وللي كانت خبار قالت باللي الفرقة الوطنية استمعات ليها حول شبهة تبديد أموال عمومية فالقناة مع 7 خراين٬ مازال قوية وبزاف. غادية ب”دوزيم” للهلاك.

طريقتها: نتهلى بصحاباتي واللي كيخدموني. “كود” حصلات على وثيقة داخلية فيها راسلها هاد بوجنوي البارح الاثنين 13 ماي 2024 للمدير العام سليم الشيخ. فيها كتطلب منو يعين مقدمة الأخبار ورئيسة التحرير احسان بنبل فمنصب مكلفة بمهة لدى لجنة المناصفة لي كترأسها هاد بوجنوي مع تخصيص تعويض سمين عن هذه المهمة الجديدة

فكيفاش هاد المقدمة ورئيسة التحرير ومقدمة برنامج فراديو دوزيم ومكلفة بالتكوين غادي يبقى ليها الوقت لهاد المهمة الجديدة؟ الطنز هذا، فهاد بوجنوي كان خاصها تكتب للمدير العام زيد صاحبتي الفلوس وبكل بساطة. هو فقط نموذج عن فشل عدد كبير من المسيرين ديال المؤسسات العمومية، وهادشي كيزيد يغرق القناة في الإفلاس والمستفيد هو واحد الفئة محدودة في دوزيم. ولنا عودة للموضوع.

بوجنوي اصلا تزادها عامين قبل ما يخرج تقرير المجلس الاعلى للحسابات ويفرش كلشي.

معروف ان بوجنوي باغية تعطي هاد المنصب بصاحبتها احسان على الخدمات اللي كيديرها ليها.