الرئيسية > آش واقع > شكون يحاسب بوريطة وايت الطالب اللي ما فيدهومش وشوهونا فالعالم. وزير الصحة كذب وقال: كنتسناو 17 مليون ڤاكسان فاخر 2020 ودابا الهند باعت “استرازينيكا” للمالديف وبنگلاديش وافغانستان وبعدها كاينة جنوب افريقيا 
20/01/2021 14:30 آش واقع

شكون يحاسب بوريطة وايت الطالب اللي ما فيدهومش وشوهونا فالعالم. وزير الصحة كذب وقال: كنتسناو 17 مليون ڤاكسان فاخر 2020 ودابا الهند باعت “استرازينيكا” للمالديف وبنگلاديش وافغانستان وبعدها كاينة جنوب افريقيا 

شكون يحاسب بوريطة وايت الطالب اللي ما فيدهومش وشوهونا فالعالم. وزير الصحة كذب وقال: كنتسناو 17 مليون ڤاكسان فاخر 2020 ودابا الهند باعت “استرازينيكا” للمالديف وبنگلاديش وافغانستان وبعدها كاينة جنوب افريقيا 

هناء ابو علي كود ////

افادت وكالة الانباء الفرنسية ان الهند رسلات اليوم استرازينيكا٫ لقاح “كورونا” لكل من المالديف وشي دولة اسمها بوتان. وحسب الوكالة فان حكومة المالديڤ قالت باللي توصلات بهدية من الهند عبارة عن مائة الف دوز من “كوفيشيلد” اللي طوراتو “استرازينيكا اوكسفورد” عبر مختبر هندي.

وحسب الحكومة الهندية فان دولة بوتان غادية توصل ب150 الف دوز وبعدهم غادي يجي الدور على دول بنغلاديش والنيبال وبيرمانيا والسيشل.

الحكومة الهندية قالت باللي غادية تعطي 20 مليون دوز لجيرانها وفق ما نقلته وكالة بومرونگ”. دابا سريلانكا وجزر موريس والبرازيل وجنوب افريقيا غاديين يتسلمو اللقاح بعد هاد الدول القريبة من نيودلهي جغرافيا.

حنا كانت وزارة الصحة قالت باللي المغرب غادي يتسلم السبت للي فات مليون و100 الف دوز. طلعات الوزارة كتطنز علينا وصافي. رئيس الحكومة قال فالبرلمان البارح باللي ما عارفش وقتاش يتوصل المغرب بالڤاكسان.

المغرب كان قال باللي عندو عقود مع اللقاح البريطاني الهندي ومع اللقاح الصيني. وزير الصحة فدجنبر العام اللي فات قال فحوار مع “تيل كيل” باللي غاديين نتوصلو قبل ما يسالي 2020 ب17 مليون دوز. دابا هو طلع كذاب وما كاين حتى حد يحاسبو. كذبو علينا وكذبو على كلشي ومازال ما كيحشموش. وزير الصحة هو اللي تكلف بالمفاوضات مع “استرازينيكا” ووزير الخارجية ناصر بوريطة تكلف بملف اللقاح الصيني. بجوجهم طلعو كيكذبو وفاشلين.

رئيس الحكومة قال البارح باللي المغرب غادي يكون اول دولة يوصلها اللقاح فافريقيا. كذبة اخرى. شكون يحاسب هاد الفاشلين

موضوعات أخرى