الرئيسية > كود-تيفي > شكون هي نادية فتاح العلوي اللي ولات وزيرة للسياحة؟ فتاح كتهدر على راسها: ها كيفاش بديت حياتي المهنية – فيديو
10/10/2019 09:00 كود-تيفي

شكون هي نادية فتاح العلوي اللي ولات وزيرة للسياحة؟ فتاح كتهدر على راسها: ها كيفاش بديت حياتي المهنية – فيديو

شكون هي نادية فتاح العلوي اللي ولات وزيرة للسياحة؟ فتاح كتهدر على راسها: ها كيفاش بديت حياتي المهنية – فيديو

غيثة علام – كود//

نادية فتاح العلوي، تعينات لبارح الأربعاء، وزيرة  للسياحة والنقل الجوي والصناعة التقليدية والاقتصاد الاجتماعي، خلفا لمحمد ساجد، وهادشي فالتشكيلة الحكومية  الجديدة.

نادية فتاح، اللي من حزب التجمع الوطني للأحرار، هي خبيرة فالتأمين، فعمرها 47 عام، مزوجة وعندها جوج وليدات، تخرجات من HEC Paris في 1994، وبدات مسيرتها المهنية في 1997، كمستشارة فمؤسسة آرثر أندرسن، كيف اكدات الوزيرة فالفيديو أسفله، واضافت: انا مغربية تزاديت فالقرن اللي فات، وكاي واحد من داك القرن علموني ندمر ونخدم مزيان…

وبين 2005 و2009 خدمات فتاح العلوي فشركة “إيسيني السعادة للتأمينات”، كمديرة عامة مكلفة بقطب الدعم والتمويل. وبعد تجربة فمؤسسة “ألفين كونسيي” رجعات فتاح العلوي لشركة “سهام” اللي مكلفة ب56 فرع ف 26 دولة. وفي 2017 ولات رئيسة مجلس إدارة “سهام للتأمينات” فرع المغرب، وكانت هي المهندسة لعملية التفويت للشركة الجنوب الافريقية “سانلام”. هاد المنصب بقات فيه حتى ولات وزيرة لبارح.

الوزيرة الجديدة هي أيضا مؤسسة ومديرة “نادي النساء المتصرفات بالمغرب -Club des Femmes au Maroc”، وعضو فالشبكة الدولية “Women Corporate Directors”.

المسار المهني “صون فوط” ديال فتاح العلوي مكنها تربح “جائزة الرئيس التنفيذي للسنة CEO Of The Year”، العام اللي فات في أبيدجان الإيفوارية.

موضوعات أخرى