الرئيسية > آراء > شكون هوا هاد الميلودي لي ولا كايعطي رأيو فالشادة و الفادة ! و لي فجأة ولاو كايستقبلوه منابر اعلامية و كايطلبو منو يسطل بسطلو فمواضيع كبيرة عليه ! ايه كبيرة عليه !
30/09/2019 14:00 آراء

شكون هوا هاد الميلودي لي ولا كايعطي رأيو فالشادة و الفادة ! و لي فجأة ولاو كايستقبلوه منابر اعلامية و كايطلبو منو يسطل بسطلو فمواضيع كبيرة عليه ! ايه كبيرة عليه !

شكون هوا هاد الميلودي لي ولا كايعطي رأيو فالشادة و الفادة ! و لي فجأة ولاو كايستقبلوه منابر اعلامية و كايطلبو منو يسطل بسطلو فمواضيع كبيرة عليه ! ايه كبيرة عليه !

سهام البارودي – كود//

مؤخرا الفيديو ديال الميلودي لي قاليك كايضرب مراتو نوض ضجة كبيرة ! شوهة وصلات تال الجرائد العالمية ! كلشي كايهضر على المغني المغربي لي قال وسط التلفزة بلي لي ” ماكايضربش مراتو ماشي راجل” ” الراجل كايگاد  المر و المرا كاتگاد الراجل ” و واخا يخرج الميلودي اليوم باعتذار بليد و ينكر بلي كايضرب مراتو كلشي عارف بلي الميلودي كايضرب مراتو و گالها بفمو فبزاف ديال الحوارات صحفية و عاود بكل فخر على فاش ضربها فسبانيا و شدوه البوليس و كدا …. و التاريخ و يوتوب و الفيدوات مازال كاينين !

واش حنا حمير آ سي الميلودي ؟ تجي اليوم تگولينا آ حگا ما حگا غي كنت كانضحك ! واش نتا شوية لاباس !؟ يصحابك بنادم مكلخ ؟ واكل الرملة ؟! اليوم تگول هضرة و غدا تنكرها حيت عرفتي راسك قودتيها و ناضت عليك العجاجة ؟! كون راجل و اعتاذر و قول بلي راك غلطتي فديك الهضرة و بلي ماكانش عليك تقولها ! هادا هوا الاعتذار الحقيقي ديال بنادم لي مسؤول على شنو كايخرج من فمو ماشي غير لي خرا شي خرية يخرج يقوليك ” سمحو ليا كنت كنضحك” واش خليان عشة العيالات فيه الضحك ؟ آ سبحان الله

ثم آجي لهنا ! شكون هوا هاد الميلودي لي ولا كايعطي رأيو فالشادة و الفادة ! و لي فجأة ولاو كايستقبلوه منابر اعلامية و كايطلبو منو يسطل بسطلو فمواضيع كبيرة عليه ! ايه كبيرة عليه ! واش هاد الصحفيين مسطيين ؟ ماعندهمش شي حاجة سميتها الضمير المهني ؟ ماعارفينش بلي المنابر الاعلامية راها عندها تأثير كبير على المشاهدين ديالها ؟ واش غير باش تديرو البوز غاتجيبو شي حد يخرا شي خرية قدها قداش وسط البلاطو ! شكون هوا الميلودي لي ولينا كانشوفو منابر اعلامية كاتهافت باش تاخد منو تصريحات على ” العلاقة بين المرا و الراجل ” و ” زيرو ميكة” و ” الازمة النوووية ” ؟! صافي ولاو كي القب كي السطل كي الميلودي كي عصيد

راه ماشي غي حيت فلان ار فرتلان معروف ! كايغني و لا كايمثل و عندو شوية ديال ليفان راه صافي ولا لينا عالم اجتماع ! دكتور باحث ! خاصو يعطينا رأيو فأمور مهمة ؟ لا ! و الف لا ! كونك مشهور ماكايعطيكش الصلاحية تحل فمك و جيب يا فم و گول ! راه گاليك ” رحم الله عبدا عرف قدر نفسه ” !

ايه حنا عارفين خروب بلادي ! و عارفين بلي ماشي غير ميلودي واحد لي كاين فالمغرب و بلي ميلوديات هوما عندهم عادي يجندخو عيالاتهم و تا مريواتهم بالنسبة ليهم عادي يتفرشخو من طرف ازواجهم و كايگوليك ” يضربني و مايخليش لي يضربني و لكن هادا ماشي سبب باش نطبعو مع هاد الخطاب البوزبالي و نخليوه يدوز فالتلفزة ! يكفي انه الشعب مخور من بزاف ديال الجوايه و منظومة القيم خرات عليها ! هاد الخطاب راه خاصو يموت ! يموت فالدار و فالمدرسة و فوسائل الاعلام و لي كايروجو ليه يبقاو منبوذين تايتواعاو و يتراجعو مع راسهم ! ماشي نحطوهم فالواجهة و نعطيوهم اكثر من قيمتهم.

موضوعات أخرى

23/10/2019 12:41

شطابة أمنية كبيرة فكازا. الحملة اللي كالت «كود » أنها لاقت استحسان ساكنة العاصمة الاقتصادية طيحات 8225 ف 11 يوم وقادت لضبط عدد كبير ديال الأسلحة البيضاء