الرئيسية > آش واقع > شكون نصدقو. لشگر البارح: مع المعارضة ودخلني يا الياس نولي وزير ولا لشگر اليوم: المعارضة ما فيها والو
14/03/2019 15:30 آش واقع

شكون نصدقو. لشگر البارح: مع المعارضة ودخلني يا الياس نولي وزير ولا لشگر اليوم: المعارضة ما فيها والو

شكون نصدقو. لشگر البارح: مع المعارضة ودخلني يا الياس نولي وزير ولا لشگر اليوم: المعارضة ما فيها والو

كود هناء ابو علي ///

ادريس لشكر الكاتب الاول لحزب الاتحاد الاشتراكي خرج بتصريح غريب كيشبه ليه. قال ل”شوف تيفي” باللي “المعارضة ما فيها حتى استفادة او ان الحزب ما عندو ما يجني منها او ان الموقع الطبيعي للحزب اليوم هو الحكومة”. مزيان

غير هو التصريح خربق ناس الحزب كيف قال عدد منهم ل”كود”. قالو “هاد لكلام ما يمكن يصدر غير من عند واحد كل المغاربة تيعرفو كيفاش رجع وزير او شكون تدخل له فاش كان مصدع المغاربة ب ” الوافد الجديد ويدعو حزبه للخروج الى المعارضة، او ان لشكر و هو يتنصل من المعارضة و يعدد مناقب المشاركة الحكومية و الاستفادة الكبيرة اللي استفاد منها ”

القيادي اضاف ل”كود” ان لشكر “نسي بان وجود وسمعة و تاريخ الاتحاد الاشتراكي كامل تبنى بوجود الحزب في المعارضة او دفاعه على هموم و تطلعات الشعب”.

العديد من الوجوه الاتحادية اعتبرت كذلك ان لشكر، كيضرب في الصميم المقتضيات الدستورية و الادوار الكبيرة التي اعطيت للمعارضة، وانه كيقلب فقط على الاستفادة من الغنائم الحكومية و على الاستمرار في السلطة .

موضوعات أخرى